حوزہ نیوز ایجنسی کی رپورٹ کے مطابق،بڈگام/جموں و کشمیر انجمن شرعی شیعیان کے اہتمام سے انجمن کے صدر دفتر بڈگام پر استقبال ماہ رمضان کے سلسلے میں ایک پُروقار نشست کا انعقاد عمل میں لایا گیا۔ جس میں مختلف دینی انجمنوں کے سربراہوں اور نمائندوں کے علاوہ علماء دین ائمہ جمعہ اور زعماء کی خاصی تعداد نے شرکت کی۔
تصاویر دیکھیں:
انجمن شرعی شیعیان جموں و کشمیر کے زیر اہتمام استقبالِ ماہِ رمضان کا انعقاد
نشست کا آغاز تلاوت کلام پاک سے ہوا جس کی سعادت قاری سید حسین موسوی صاحب نے حاصل کی اور نعت مقبول حضرت رسول اکرمؐ سےذاکر تصدق حسین صاحب نے مستفید کیا جبکہ نظامت کے فرائض حجۃ الاسلام سید محمد حسین صفوی نے انجام دئے۔
تقریب میں استقبالیہ کلمات تنظیم کےچیف آرگنائزر غلام محمد ناگوصاحب نے بیان کئے، جس میں انہوں نے ماہ مبارک کا ماحصل تقویٰ قرار دیتے ہوئے سماجی ذمہ داریوں اور سماج میں پھیلے جرائموں کی روک تھام اور لائحہ عمل مرتب کرنے پر زور دیا۔
تقریب میں جن علمائے کرام نےخطاب کیا ان میں میر واعظ وسط کشمیر مولوی عبد لطیف ،حجت الاسلام سید عابدر ضوی ،حجت الاسلام سید ارشد، موسوی ،حاجی عبدالغنی بٹہ ہار ،خاکی مولانا محمد فاروق ،صدر کاروان اسلامی انٹرنیشنل کے نمائند مولانا محمد اقبال،حجت الاسلام سید محمد حسین موسوی ،غلام قادر ڈار صاحب شامل ہے۔
تقریب میں انجمن شرعی شیعیان کے شعبہ تبلیغ سے منسلک ائمہ جمعہ اور دیگر کئی علماے دین حضرات بھی موجودتھے تقریب کےاختتام پر صدر انجمن شرعی شیعیان حجۃ الاسلام والمسلمین آغا سید حسن الموسوی الصفوی نے اپنے صدارتی خطبہ میں اس متبرک مہینے کے فیوض و برکات اور عظمت و اہمیت کو اجاگر کرتے ہوئے اس ماہ مبارک میں امت مسلمہ کو تزکیہ نفس کے ساتھ ساتھ اپنے اجتماعی امورات کی اصلاح اور اس پُرعظمت مہینے سے بھرپور استفادہ کرنے پر زور دیا ساتھ ہی معاشرہ میں بڑھ رہی بے راہ روی سماجی جرائم ، سوشل میڈیا پر مسلکی اختلافات ، اخلاقی و روحانی اقدار کے خاتمہ کے ساتھ اُمت مسلمہ کو اتحاد و اتفاق سے رہنے کی تلقین کی۔
تقریب میں موجودہ حکومت کی جانب سے ائمہ جمعہ و جماعت کو دھمکیاں موصول ہونے پر شدید الفاظ میں مذمت کی گئی۔ آغا صاحب نے اس بات زوردیا آپسی اختلافات کو بالائے طاق رکھتے ہوئے سماجی جرائم ختم کرنےکے لئے ہمیں لائحہ عمل مرتب کرنا ہوگا تاکہ وادی میں سماجی جرائم کو پنپنے سے روکا جائے
تقریب کے اختتام پر شراب نوشی و منشیات کے روک تھام پر ایک دستخطی مہم کا انعقاد ہوا جس میں تمام علمائے کرام و دیگر دانشور حضرات نے اپنا امضاء کرکے حکومت سے مطالبہ کیا کہ شراب نوشی کو بڑھاوا دینے کے بجائےاس پر پابندی عائد کی جائے۔
آپ کا تبصرہ